بــــــــــــلادى

Posted by blady at 9:20 ص | Permalink | Comments | links to this post

صورة مهداه إلى ضمير الطليعه العربيةالحر

إلى الصامتين الذين تركو الميدان للكذابين

والسماسرة المتاجرين بأحلام شعوبهم

فى حياة حرة كريمه

إلى كل الأحرار

فى كل مكان

و

صفعة

على وجوه الخائنين

من المحيط إلى الخليج

Posted by blady at 6:22 ص | Permalink | Comments | links to this post

Posted by blady at 1:08 ص | Permalink | Comments | links to this post

Posted by blady at 12:48 ص | Permalink | Comments | links to this post

يا سيد حسن نصر الله ....يا قائد جيش حزب الله الأعلى ياللى بتستعرض قواته وعتاده
بالظبط زى م أى رئيس دوله بيستعرضها
.. مش برضه الجيش النظامى بيبأه لكل وحده من وحداته نؤطة تمركز ونؤطة انتشار
نؤطة التمركز اللى خرج منها عساكرك ونؤطة الإنتشار هيه تحصينات العدو
مثلا اللى اقتحمها الأبطال من شباب الجيش وخطفو الجنديين وموتو التمانيه
ينفع ده ..؟ طبعا ينفع وطبعا عظيم ..
لكن ايه الخطوه اللى بعدها
ولا احنا بنلعب استغمايه
فين هتبأه نؤط التمركز والإنتشار
للأسف انته عارف الإجابه
انته اللى بتحذر الحكومات من مصيرها فى سيناريو الشرء الجديد .. فاهم وعارف كل حاجه
ومع ذلك بتدعى النصر
ينفع يا عم حسن يتحفر خنادئ وينفع تبأه شكاير الرمل ولا الزلط سواتر تحمى الولاد م القصف
ينفع يتحفر أنفاء للتخفى والمباغته
لكن م ينفعش يا راجل يا عسكرى يبأه الساتر أطلال من البيوت والأشجار والأطفال والشباب والآباء والأمهات الأبرياء
مينفعش اتكلم عن عسكريتى أصلا وانا مش عارف أجهز ساتر طول كل السنين اللى فاتت دى
وبكل الفلوس دى اللى الملالى بعتوهالى ..
ولا انا ببالغ شويه؟؟؟
واذا كنت بعتبر نفسى مقاومه لوحدى يبأه الصمود أو الإنتصار لازم أدفع تمنه لوحدى
أما إذا كنت انا المسلح الوحيد والمقاوم الوحيد وهأبل ان جماجم الأطفال وكراريسهم يبؤو الساتر
اللى هستخبه وراه عشان اباغت العدو
أبأه لمؤخذه محصًلتش عيل بيلعب استغمايه
ولما اعمل الهبل ده والناس بدافع كره العدو متحاسبنيش
وتخبينى ورا بيوتها المهدومه فوء جثث أطفالها
وآجى احتفل بالنصر ..أبأه كداب كبير....
أبأه نصاب فى هيصة كره العدو
نصر ايه اللى بتحتفل بيه؟
الخراب..؟
جبت ايه ..؟
وراح كام؟
واتجرح واتشردكام ؟
واتهدم ايه؟
أصل العدو جبان؟؟..
أمال سيادتك كنت فاكر ايه؟؟
كنت منتظر ايه من عدو كل البشريه عارفه انه غاصب جبان بغيض ؟؟
عاوز تطلع على شاشة تليفيزيونك بطل الأمة...
بطل كراهية عدو الأمه كل الأمه
م الأمه تختار وتدفع تمن اختيارها ..
ولا لبنان .. ملك سعادتك .. وتحت أمرك
فبترمى إرادة شعبه وأرواحه ومقدراته تحت رجليك عشان تؤف ف العالى وانته باصص ع الأمه
أنا عاوز أؤولك ويا الزعماء اللى انته واحد منهم
..ان الناس اللى خرجت تهتف باسمك وشايله صورتك مكانتش بتحب لبنان
ولا حتى بتحب نفسها.. الناس دى اتربت على فكرةالزعيم الملهم المخلص..
بصراحه اللى يتهيألها انه مش هيدفعها التمن ..
تمن خلاصهاناس اتكاليين حناجرهم بديل تفكيرهم واستعدادهم لدفع تمن الحريه
وطبعا انته فاهم ده وطبعا ده اتوافئ جدا مع معاليك لأنك طارح نفسك كمخلص للأمه..
بس يا خساره على حساب شعب انته واحد فيه
نصر ايه يا بو نصر
انته عارف يعنى ايه النصر اللى ورا كل الخراب اللى جريت لبنان فيه
عارف النصر الوحيد..
النصرفهم الشعب اللبنانى وصموده ..النصر فهمه للمؤامره الدنيئه .. ضد وجوده
النصروحدته..
رغم مرارة تمن استخفافك اللى فاء الحد
مين فى الوطن العربى مش ضد احتلال فلسطين والجولان وشبعه ...ضد الوجود الصهيونى فى المنطئه
....مين؟

بس ازاى نبأه جديرين بحريتنا
مش ده الألأ؟؟؟
مش ده الهم اللى بنبات نصبح فيه؟؟؟؟
حرب عصابات ايه اللى بتدحك ع الناس بيها يا با الحاج؟؟؟
أحراشك وسواترك وأنفاءك فين..؟؟..
زيك زى جيش اسرائيل النظامى متعرفوش حاجه عن حرب العصابات
اساليب المقاومه الشعبيه اللى مفيهاش تفريء بين اسود وابيض
ومسيحى ولا شيعى ولا سنى
فيه حاجه اسمها المقاومه الإسلاميه؟؟؟
فيه كده..؟؟
مينفعش يبأه المقاومين ملهمش دين أصلا؟؟؟
بلاش أؤولك سنى ولا مسيحى..؟؟؟
انته فاهم .. ان ده تفتيت ..
وانته فاهم ان ده سيناريو أمريكا والمتحالفين معاها ضد وجودنا ...
إنته فاهم... كل البهوات اللى بيتصورو ورا الأسلحة الأمريكيةالجديده لنج ...
وبيئولو ابآء عن التحرر... باسم أى دين ..أو ملة... فاهمين
انهم بيفتتو أكبر خطر على مصالح التحالف المسعور ...
.اللى منشن بمنتهى الدقه على خير بلادنا
انتو وياهم علينا
زيكو زى أى نظام متسلط ...كل همه الكرسى ...ومص دم الغلابه المستبعدين
عن الوعى بوجودكو، اللى عاملاه بمنتهى الدقه ...الجيوش دى أبل م تهل طلتها البهيًه
انتو منهم
مش سعادتك برضو اللى بتخبى التجار وأصحاب المصالح من دفع ضرايب الدوله اللبنانيه فى دولتك فى الجنوب
باسم المقاومه
ميحلفوش بصرمة جنابك ليه
والولاد اللى انته بتأبضهم من فلوس الملالى..ميحلفوش بعزتك ليه..؟
طب متلائيلهم شغل فى اى مكان.. وتبأه بطل بجد لو لئيت عسكرى واحد فى جيشك
دانته مش مكسوف وانته بتؤول ماحنا عملناها أبل كده معملوش كده
يعنى بتراهن على تأديرهم لمعاليك..
طيب ازاى ..
وإيه التمن
يعنى بتعترف انهم عاملينك ومعتبرينك وفيه حوار يعنى .. فيه أخد وعطا بالصلا ع النبى
مش مكسوف وانته بتئبل بقرار مجلس الأمن
وانته بتؤول بمنتهى الإنسانيه والوطنيه طالما ان ذلك يسهل عودة اخوانا النازحين
إلى ديارهم فحزب الله يوافق
لا والنبى مكنتش توافئ يا راجل ..
انته قائد ازاى وانته مش عارف انهم هيهجو من الخراب والجحيم اللى اتفاجؤو بإنك حدفتهم فيه
ولما ألبك هيوجعك أوى عليهم كده
كان ليه الدخول للمعركه بالطريئه دى وفى التوقيت ده
لصالح مين كل فوضى الخراب ده

و
الغريبه انك بتحتفل بالنصر
انا مبعرفش افهم يعنى ايه قائد عسكرى بيحتفل برجوعه من منطئة تمركزه سنتى واحد لورا
ويسمى ده انتصارإلا إذا كان هدفك الأول
هوه احتلال جزء فى الداخل اللبنانى
مش تحرير شبعه ولا حتى أسير

معرفش اسمى خراب لبنان وموت ناسه وجرحهم وهدم بيوتهم وطردهم انتصار
علشان سيادتك راهنت على فكرة انك دلٌوع... لأكبر عدو مسعور فى تاريخ البشرية
آل ايه هيجو ويؤعدو ويجيبو اتنين ألمان طيبين وتتحل المسألة..
فاتك ان السيناريو اتغير
مش كتير صحيح
بس اتعدل بأه على كبير شويه
ومحتاج تفضى انته إوتك على تعطيل السيناريو ثانيه واحده ..
مش عشان خاطر عيون لبنان طبعا..
كلك مفهوميه

عشان حتة السيناريو فى ايران
وإلا صفوك من أول عوزه متستعبطش..
اللى آدر يصفى أبو على مصطفى فى شأته يئدر يا روح ألبى يجيبك من ودانك لو عاوز
إللى آدر يلعبلك فى ارسال تليفيزيونك وانته بتطلئ بياناتك العنترية كان آدر يبعتلك ساروخ يفرتكك....
إنما انته متعاز بشروطه زى ما انته فاهم
انته فاهم ان حاجه واحده ميئدرش عليها ولا هوًه ولا أعتى منه
حرب التحرير الشعبيه..
الشعبيه ياسيد نصر الله
اللى لمت كل اللبنانيين حواليها وحولت مواسيربنادئ حرب الطوائف ناحية البحر
فيرجع أسطول أكبر دوله فى التاريخ المعاصر خايف ومهزوم... ولا نسيت..؟
تاريخ لبنان مش لعبه يا سيد
بلعت الطعم جنابك وآبلت السيد كوفى أنان كرئيس دوله ..
وسموك المنتصر فى الزحف المقدس
اللى كان اشرس يا كبد ى عليك م الحرب دى...
بزمتك مش مكسوف ..؟
بزمتك انته مسدأ بجد انك حررت الجنوب ؟
ولاانته كنت فاهم إنها كانت مسرحيه عشان تأدى دورك النهارده زى كتاب السيناريو م بيؤول بالظبط...
عشان تشوه آخر حلم ف ايد الشعوب الغلبانه
حرب التحرير الشعبيه..
الشعبيه يا نصر الله....
ضد كل طامع مسعور
م تخافش يابو السيد زيك زى الأنظمه ...
وزى أصحاب المصالح ..طليعة النضال الكدب ...
أبطال النضال الحنجورى... المصلحه يعنى ..
الدلاليع .. اللى شالو صورك.. وكتبو فيك شعر .... كلامى مش هيبلعوه ...

بالظبط زيك!

أمال يا عم نصر.. مش لازم يعملو دورهم وياك
عشان الأسياد فى واشنطون

الأعدائيكا

يعرفو يعزفو براحتهم

سينفونية الدم

صابع ع العراء

على فلسطين

على ايران

على سوريا

على لبنان

ع السودان

وكل المنطئه

حته حته

!!وتعيش يا منتصرويعيش الحلم الأمريكى سداح مداح بحسكو!!

Posted by blady at 12:42 ص | Permalink | Comments | links to this post